Academia Occitana

Andrèu Pic (Gondrin 1910 - 1958).

En guèrra !
(1939)

A Miquèu Camelat

Tolosa mia, hens l’escur
e la horrèra : b’èm en guèrra…
be partim tà França ? Totun
bèra tristor que nse des.hèrra.

Si los uelhs qu’aimavi, perquiu
anèssen lusir ? Non, non pèga
mombrança deu temps : qu’ei l’arriu
qui, deu passat, s’ac arrossèga.

Tu sordat (ja d’atge) e donc
hè soar l’esperon sus la lausa ;
barra los uelhs tot adarron
sus ta joentut e, totun, gausa

benedir lo hat qui’t botè
sus lo barri on l’enemic tusta.
Haut ! còr pesuc, si l’adirèr
e pòt servir la causa justa.