Academia Occitana

Pèire Godelin (Tolosa 1580 – id. 1649)

Academia Occitana

Pèire Godelin (Tolosa 1580 – id. 1649)

Nadal pel jorn dels Reis

Un pastor ven de Jerusalèm e ditz a sos companhons :

De novèlas ! Enfants, en venent de la vila,
è vist passar tres reis d’una faiçon gentila,
e demandan pertot l’ostalet benasit
que lo rei d’Israèl per palais a causit.

Qualqu’un a decelat que pòrtan per estrenas
tres brustietas d’encens, d’òr e de mirra plenas,
que li van umblament ufrir, diga-me’n-Dieu,
que confessan dejà qu’el es rei, òme, Dieu.

Elis parlan çampar de l’Enfantet aimable
que nosauts l’autre jorn trobèguem a l’estable,
a qui Peiret donèc un anhelet plan fait,
e jo, sense repròchi, un picharron de lait.

Pòsca donc, uèi metís, una tan bèla tropa
urosament trobar le bèl Enfant de popa,
mentre que de nosauts cadun le pregarà
de nos salvar l’esprit quand le còrs morirà.