Academia Occitana

Andrèu Du Pré

Academia Occitana

Andrèu Du Pré

Andrèu Du Pré (Leitora ca. 1570 - ? ap. 1620)

Poesias gasconas, 1620.

Sonet IV

Aish ! lo gran huec que per t’amar sofrissi
deguens lo còr, e si non vòi pertant
sortir deu mau qui’m pòt èster bastant
de’m hèr morir hicat a ton servici.

Làs ! tant me platz lo mau d’aqueth aufici,
que tot jamès jo vòi víver quistant,
tot mon plaser non part que d’aquí’stant,
e per eth vòi de mi hèr sacrifici.

En l’amor sol jo boti mon aunor,
si eth me morís eth morirà damb jo,
cessant d’amar jo que cessarè d’èster :

mon calendrèr que n’a pas aute sant,
e de ma boca eth non part aute cant,
sonque qu’Amor serà tostemps mon mèste