Academia Occitana

Bona novèla

Jorn per jorn

Bona novèla

Sul site sieu, lo Congrès permanent de la lenga occitana ven de metre en linha lo Diccionari gramatical de nòstre collèga Florian Vernet. Sèm sensibles a aquel omenatge rendut a l’Acadèmia occitana a travèrs un de sos membres eminents, amb lo sentiment qu’un tal obratge serà d’un grand secors dins aquel lòc. Pensam tanben qu’aquel exemple generós poiriá èsser aürosament seguit (amb lors autorizacions) per d’autras personalitats de nòstra institucion. Amb lo de Florian Vernet, los sols noms de Pèire Bèc, Andrieu Lagarda, Jacme Taupiac o Joan Salas-Lostau evòcan als bèls uèlhs vesents de contribuccions essencialas aportadas a l’occitanisme, tant sul plan de la lingüistica que de la pedagogia. Mas totes los que cercan de responsas claras a lors questions sus la lenga se poirián dirèctament abeurar a la bona font e çò mai aisit - e que seriá un signe fòrt d’intelligéncia e de responsabilitat dins la consciéncia d’un interès superior - seriá que lo Congrès acceptèsse enfin lo principi d’un escambi de ligam informatic amb l’Acadèmia.

J. P.